رحله مع الوان الصباح

السلام عليكم ورحمة الله وبركاته

كيف حاالكم ان شاء الله طيبين وبخير ..؟!!

اهني اخواني وزملائي وربعي اهالي والقرا المجاوره منها بهذه الرحمه والامطار الجميله

وجعلها الله امطار خير وبركه ..

ونبدا في محور حديثنا ونقول بسم الله الرحمن الرحيم //

من جمال اجوائها وقطرات امطارها وصوت سيولها وتنوع صيدها والحمد لله كما يليق به سبحانه.

لكم امطار الكاميرا:

#################################

بدايه مع صباح جميل لكم لون هذا الصباح





لاحد ياخذها انا حطيتها بسطح المكتب ههههـ هذي الصوره




وهذا شجر العشر ما شاء الله مغطيه السيل




ياالبى التصوير بس << ما شاء الله علي ههههـ




هذي هديه لعيون المصورين الاحترافيين



وهذا لون الصباح بس بعد كم دقيقه سبحان الله




وبعد تصوير الوان الصباح وجمالها والفطور والدله والبرادي

بدينا بالصيد وكاااان اول الفاال هالمزيون ومن شوقي له ارسلت له بوسه على عينه يالبى هالخشه

ما شاء الله تبارك الله




وكان الصيد واافر بس اخذنا حاجتنا منه وخلينا البااقي واكتفينا بهذي المجموعه الطيبه الحمد لله



ياااالبى هالشحيمات مبطي ماشفتهن ثروب على الكيف



وهالحين بدينا بالحمس وشوفو الشحم ما شاء الله



ونجي هالحين على طوووول لطبق الملكي وهو عباره عن شحم ضبان محموس وكبدت ضب وتمر ياازين العافيه وتطلع بهذا الشكل



وبعد النقنقه الملكيه نرجع لطبخ وهذي كشنة الكبسه ياطيبها طيباه هههههـ




هذي الصوره جبتها عشان تعدون كم شجره فيها عبل ماتستوي كبسة الضبان






وش تتوقعون الكبسه تكون ضبطت ولا لا .؟؟.


سمو بالله وحياكم الله بس السفن لي هههههههـ




اعصر ليمون وبيدك فلفل وهاتك يا اكل هههه الحمد لله وعلينا بالعافيه ههههـ



وهذي العكره ياازينها زيناه اول ما ابدا بالاكل فيها هي



وبعد الغدوه الطيبه يارب لك الحمد والشكر اخذنا لنا جوله حول الجبال اللي فيها الماء وتمشينا لين ما امساء علينا الليل وهذي صوره من هالمياه الجاريه



اشرب وانت متطمن صفاوت الماء واضحه ما شاء الله



وبعد مارجعنا كل واحد حط راسه من العب ونووومه لين اذن الفجر وصلينا وانطلقنا وهذا صباح جديد في لون جديد ويالله على رزقك ياكريم



وبعد ماتقهوينا وافطرنا بسن المناظر الجميله

لقينا منظر جميل زمان ماشفته وهو هالمزيونه يالبى شوفتها



يـــتـــبع

رجاء عدم الرد حتى اكتمال الموضوع

يــتــبع

وبعد ماصدنا كفايتنا من القمري لقينا هالمزيون الحجل

وهذا ديك يعني ذكر لونه احلا من الانثى سبحان الله



واخذنا الحمد لله كفايتنا ايضن من الحجل وجلسنا بهالمكان الزين اللي يطرب الراس بهالغيوم والمناضر الحلوه



وياعنني اعرف اصور هههههـ



وماعندنا غير قوت شاهي براد ورا براد وهالبرادي احلا برادي شفته بحياتي له زمان وهو معي لدرجة انه انكسر وربطته بعلاقه ههههـ عشان ما افرط فيه يالبى الحب بس هههههههـ



وبعدها نبدا بسم الله وهذي كشنة كبسة الطيور وهي عباره عن حجل وقمري



ياازين الجوع يزبط الكبسه غصب هههههـ سمو بالله وحياكم الله وكمان السفن لي والببسي عادي خذوه هههههـ



وياعنني تصوير وكذا بس باين الدسم فيه ما شاء الله مشحمه الطيور



وبعد الغدا لازم ندور شي يشغلنا عشان ماننام هذذا سلمكم الله سبق وقلت لكم عليه بموضوع قديم هذا ضب جبلي

يختلف عن الضبان الثانيه بلونه وحجمه

وهذا شكله



وهذولا ضبين عشان تعرفون كيف الفرق بينهم



وبعد الشرح نمناااا وهذا صباح جميل ايضا وكانت الغيوم معانقه للجبال وقريبه من الارض مره



وهذا منطر جميل ثاني للغيوم المعانقه للجبال



وهنا عااد لزوم البرادي والدله والفطور الدسم بهالمنظر الخطير



ومن موضوع ياعنني مصور ههههـ



وختامها هذي هديه لكم بس ماهي من موضوع ياعنني مصور ههههههـ




وختامها صلو على النبي

وهنيئن لكم الرحمه

كل الود ..