مليــت جرحــــك وتبريــركـ

"مليت جرحك وتبريرك وموالك
تخطي وترجع تعتذر الأجل ترضيني"


"إن كان جرح القلوب البيض يهنالك
يموت حبك ولا تنزف شراييني "


"يموت قلبي ضما وأموت أنا هالك
ولا اشرب الذل بيدينك وتسقيني"


"غرورك أعماك تحلم تبني آمالك
نهايتك جت بيدك قبل تنهيني"


"والله لاانت ولاعشره من امثالك
تخضع له النفس ويفكر يمشيني"



"اول معك كنت وافي واعشق ضلالك
ياما نصحتك ولكن ما سمعتيني"


"اليوم ماهمني لوكنت في بالك
ماني بظالم ولكنك ظلمتيني"


"في واقع الأمر ماني بااصغر عيالك
رباني الوقت لاتحلم تربيني"



"غلاك مات ابتعد وافراقك اشوالك
لاترتجي الدمع واحذر لاتعزيني"


"ماينزل الدمع لاامثالك ولشكالك
اصلا من تكون حتى تفقدك عيني"


"نهايتك ترجمة لك واقع افعالك
تعبت اوضح ولكن مافهمتيني"


"لاعاد تحلم يجي رقمي بجوالك
والله مااخضع ولو ترقص شياطيني"


"ابي اتركك للندم وافكار عذالك
ماهمني عاذلك وانتي خسرتيني"


"خسرت نفسك ومضنونك وتمثالك
خسارتك للاسف ماعاد تعنيني"


"خلاص ابي ارتاح غادر والسعد فالك
لاترفع الصوت وتفكر تناديني"

"غلاك مات ابتعد وافراقك اشوالك
لاترتجي الدمع واحذر لاتعزيني"

صارحيني
على أجنحة الشوق
تسافر بي الحروف
نحوك. نحو إبداع ممتزج
بالرومانسية الحالمة
وأرخي سمعي لعزفك المنفرد
على أوتار العذوبة
مروري على أحرفك
يجعلني أصل الى قمة الإستمتاع
قراءة ناصعة الأناقة منك
و ثناء يحملني للسحاب
ارجزك لا تحرمنا جديدك
ولك مني احسن تقييم
تقبل ودي واحترامي

"كثير" يخضع العشاق للمعشوق

ويرمي قليبه ذليل عند اقدامه

ماهو بقادر ينساق وإلا يسوق

يحس إنه بفرقاه يقول ب:إعدامه

إلا أنت ياشاعر قدرت تفوق

مستغرب فيك وفي حالك علامه؟

""مبدددددددع""