خلونا نطلعكم من الاجواء المعقده والشعور بضيق الانفاس والنعاس وافلاس الاحساس
هذي سداسيات بث مباشر في منتدى العطاله استمتعوا بقرائتها زي ما استمتع بها المشردين
---------
قدر الله علي وصرت شاعر
وتعرفون الدنيا هذي عباره عن خماسيات وسداسيات
على قولتهم يضربون اخماسهم بأسداسهم
أدري انكم ما سمعتوا في سداسيات من قبل بس من اليوم وطالع راح تتعرفون عليها
عليها ختم الجود 6×6
السالفه وما فيها ان حبيت اكتب موضوع جديد كوفاء وعرفان ومحبه ووقار وكل الهلمه الطيبه من المشاعر الرقراقه والاحاسيس المحسحسه لهذا المنتدى العاطل الباطل الغالي على قلوبنا أجمعين ..
آمين
المهم وانا قاعد احب اني اكتب الظاهر ان فيوزات حب الكتابه شبكت مع حب العاطفه وطبت علي القريحه بكراعينها
وهذا ما انتجته القريحه أثناء هبوطها
سداسيات عاطل
ولكم التقييم ولي الشهره
1
يا ونتي ونة صعيدي
تألم .. في ليلة ظلما بها سرب ناموس
من زود مابه ما يطيق يتكلم .. كنه على البيبان حارس وجاسوس
يومن لفحه الثور في ليل اظلم .. أمسى بونه بين ظلمه وكابوس
محدن درى عنه ولاحدن تكلم .. ما دامت الدعوه صعيدي وجاموس
منهو يحنه لو ضلوعه تهشم .. منحوس لو حطو على الراس فانوس
قال آه وأمسى يرتجي ويتعشم .. يا بيه خلك في عمايمك مدسوس
2
ويا ونتي ونة سديقن تجنن .. من كثر ما سوو له الناس جنجان
ما ينفعه دهنه
ولو به تفنن .. ما يستوي طبخه ولو صار فنان
شدوه شد الموتر الي تسنن .. حطوا على ظهره لفاليف الاضعان
مكروف ياهندي على الدرب دندن .. مرحوم يابو بنقلا معك الافغان
أرجوك لا لا تشتكي لا تونون .. خل الدموع الحايره خلف الاجفان
معلوم هزا مسكله سيم ون ون .. قرقر كتير وخلنا نشوف ماكان
3
كانت حياتي بين ضحك ووناسه .. مبسهوووط يالاخوان كم كنت مبسهوووط
عايش ولا كني زعيم لناسه .. دايم يجيني السعد والهم محطوط
إن قلت هات الانس جاني بكاسه .. من دون ما يذكر قوانين وشروط
إلين جا للحظ وعكه براسه .. وأصبح مثل تيسن في الشبك مربوط
يا ويل من حظه وقع في النحاسه .. كل الخطوط تقول له يا بشر طوط
والله لو يعطوه حكم الرئاسه .. إنه يضيع بشوط ينشاط به شوط
4
هات القلم ياحنيف هات الربابه
.. وأوزن لي الاوتار وزنة هل الكيف
وزن على وزنه بيوتي تشابه .. يا حيف لو لخبطت يا حيف يا حنيف
ضاع العمر ياحنيف واقفا شبابه .. يا حنيف عمري ضاع يا حنيف يا حيف
راح الكرم والجود وانصك بابه .. ضامتني العربان واصبحت انا الضيف
مر العمر ياحنيف مر السحابه .. ما مر من عمري شبه غيمة الصيف
بوصيك انا يحنيف قول وكتابه .. وإن خانني التعبير لا تقول لي كيف
5
والله ان الفضاوه من عظيم البلاوي
.. من يلوم المنسم لو يبنشر شويه
ضاع عمري يبو مفلح هموم وشكاوي .. هز وسطك يبو مفلح ونرقص سويه
كل عاطل مع العاطل صديق مخاوي .. والبشر لو تصده ما يفارق خويه
ما يهمه شبح او حوض ددسن عراوي .. طاف كل البلد من شرقها للحويه
علمتني البطاله شي في القلب كاوي .. ما يعرفه سوى ناس من الناس حيه
انكشف لي ستار كان للناس ضاوي .. لو يجور الزمن بانت لكل البريه
6
قهقهت ليلى ومزنه قهقهت
.. كيف لاك الفم تلك القهقهه
وانلهت ليلى ومزنه انلهت .. هكذا تتلى ك كل الهلهه
مثل ليلى قيس تتلوني لهت .. عرفوا الحب بحب الهتهته
لو نجوم الليل بالنور بهت .. ينجلي الليل ونور البهبهه
أو قوانين بدستور نهت .. ينتهي الدستور فوق النهنهه
سهسه العقل وابياتي سهت .. يصبغ الشعر بلون السهسهه
<--- كسر الشعر مع عراقيقه
<-- فل يشنق
-------
اقتباس : عبدالله الغامدي
اقتباس:
قدر الله علي ّ ودخلت الموضوع
قلت بلقى واحد عاطل ومفلسع وفيوزاته ضاربه
والشهاده لله اني لقيت
وش لقيت !!!
مبدع
لكن برضه مفلسع
اخي ملك العاطلين
ابدعت
ابدعت
ابدعت
لكن دخيلك
دخيلك
خلك بعيييييييد عن ابونوره
في انتظار ابداعاتك القادمه
ابونوره
|
اقتباس : ادور وظيفه
اقتباس:
ملك العاطلين اسم كبير جدا ويستحق والتقدير والاحترام
لكن بصراحة الاسم
كبير جدا
لكن مبدع جدا وتستحق هذا اللقب <<< ملك العااااااااااطلين>>>>>>>>>>
|
------------
شكر عبدالله الغامدي على المرور الطيب
وقدر الله عليك ودخلت وقدر الله عليك وشفت الفلسعه
الفلسعه لا بارك الله في الفلسعه .. دهورتنا وغربلتنا ومرمرتنا
لو هي الدنيا تجينا بالسعه .. كان بالعقل الرزين مذكرتنا
والزمن يا يلسعك او تلسعه .. ينكت ما كان وسط مفكرتنا
<------- تورط وانكشف على حقيقته طلع شاعر مقرقحات والاسلاك عنده متلسعسه
شكر اخوي ادور وضيفه على المرور وانصحك
دور وضيفه عند كنج البطاله .. شيخ كريم صار للجود نبراس
ان قلت له ما ينتضر منك اطاله .. ما يتركك ما بين هم ووسواس
تبي ولي العهد هذي عطاله .. ما انصحك لو بالجواهر والالماس
تبي دراهم مانعرف الحواله .. ولا نعرف الشيك حبر وقرطاس
تبي وضيفي حالتي والله حاله .. كانك تعرف احد توسط مع الناس
إنت الكريم الي ولاحد مثاله .. لو كان بيدي كان سلمتك الكاس
<-------- طلع ملك عطاله وشاعر فاشوش
حتى الاسم مالنا فيه نصيب
--------------
اقتباس : المستحيل
اقتباس:
|
ملك العاطلين بصراحة مبدع
إلا ابسألك ليش ماشتركت في شاعر المليو$$$$$$$ مين يدرى يمكن تكون شاعرها
الله يوفقك
|
-------------
مشكور اخوي المستحيل
شاعر المليون حنا ما نبيه .. مستحيل اصير شاعر مستحيل
شعرنا ما ضن نلقاله شبيه .. عن ديار الشعر شدينا الرحيل
قالوا قبلك شاعر فذ نبيه .. يكتب الابيات باللون الجميل
قلت شعري بالحنايا ارتويه .. آه لو يدرون يا قلبي العليل
إن شعري مثل قلب لي نزيه .. محكم الميزان من وقت طويل
ما ابيعه لو تذوب الناس فيه .. ما ابيعه لو عطو قلنا قليل
<--- وعاد من المعركه بخفي حنين
-----------
اقتباس : جووووري
اقتباس:
ملك العاطلين...
يعافيك ربي ويسعدك ويفرج هم الجميع,,,,,,,
|
------------
آمين يا رب ومشكوره على مرورك
وقريحة السداسيات لسا سالكه سلوك السلسعه متلسعه
لا لا تبالي بمابي فمابي لا يبالابه .. من دار من دار لدار لا يدارابه
قد دمدم الدوم من قدم بذي قدم .. سيقت لساق وساق السم يسلابه
السعد سهم سليم ينسج السقما .. جرم مجاز وجوف الجرح يجزابه
جوري بجور لجار جنب جاورني .. شب الشرار كشهب الشر شبابه
شرخ يشق الحشا شهم لحشرجتي .. كرب كئيب ككل الكون كلابه
كم كال كذبا يكن الكره كائنه .. بطل وعطل وهطل الخطل طلابه
<-- وراغ الوغد من حيث يروغون
-----------------
اقتباس : عاطل بلا حدود
اقتباس:
|
صراحةً عندك قريحه شعيريه قويه .
الله يوفقك
|
---------------
مشكور اخوي عاطل على المدح الجبار
المدح الذي لا ينهار لا في الليل ولا النهار
عاطل بلاح خلينا نحدد لك .. مع شلة الناس ست ابيات موزونه
هلا
إن قلت هالبيت يوصلك بيوصلك .. نخلي ابيات تزهى جنب مركونه
سرى
رج الله الجسم من راسك الى رجلك ..رج وكل البشر منك يشوفونه
عندي القريحه قوافيها تدورلك .. لجلن لك في الحشا ابيات مرهونه
هوى
وش رايك اكتب دواوينك وانا مثلك .. ونحكم الشعر مثل الي يحكمونه
وان كان تبغى طريق نسلكه مسلك .. تعال والي تبي هالراس مجنونه
<-- وانكشف الغطاء وظهرت الحقائق المجنونه
<-- فل يؤسر
---------------------
اقتباس : عبدالله الغامدي
اقتباس : heavenmoon
اقتباس:
هههههههههههههههههههههههههه
و الله انت  ..... موضوعك حلو و شعرك كله وناسه .. الله يعطيك العافية ... و لا تحرمنا من جميل ابداعتك .. هيفين موون في انتظار جديدك 
|
-------------------
والله ان الكون قلبي يوسعه .. لا تحسبنه تضايق من كرتنا
والقلوب الشاسعه المتشسعه .. فكرونا كان هي ما فكرتنا
كاتبين في الجدار الموسعه ..نكرتنا بس هي ما نكرتنا
هلا ابو نوره
أعب دله لنا وندورج الفنجال .. يا عبدالله الله لنا من دون
خلق الله فحنا يارفيع رجال .. وجال له ما يعرف الدون
فلا والله مالنا نقص ولا هرجال .. ولا زله ولا بالهده يهدون
تمكن له وقله لـله يا برجال .. وبر جله تهد وناسها يصيدون
وماكله يبان الشعر لمن جال .. وماكله مقاصيد فلا يعدون
ورى جله كتبناها وحنا عجال .. تعجله قبل ما غيرنا يردون
-----------
اقتباس : شاعر بلا مشاعر
اقتباس:
ملك العاطلين
انت النجم
القادم من الخلف
بس يبغالك شوية هندسة
وقلم رصاص
ولا تنسى البراية
تحياتي
|
اقتباس : بكلوريس عاطله
اقتباس:
ما شاء الله تبارك الله
عن جد مبدع بس مع شوية فلسعه...
ومادام انك شاطر في الشعر اطبع لك كتاب وبيعه ...
والتسويق علي و99% من الربح لي لأني صاحبة الفكرة (شوف الطمع)...
|
---------------------
هيفي مون يقول الشاعر
تشكشكنا ولكن ما تشكشكنا .. قصيده قالها الشاعر وهو شاعر
اجل وشلون لو هو قال فرشكنا .. اكيد يقال له شاعر ولد شاعر
ياهيفي مون حنا اليوم اوشكنا .. ولو شكنا طريقي دايم واعر
اعرف ان العثر يهوى مناسكنا .. ومن لا يهتوي للجمر له ساعر
ردي الحظ يبرز في معاركنا .. وتمطر سدمها بالشهب للقاعر
دخيلك يازمن منهو يشاركنا .. مشاعر شاعر ماهيب من شاعر
ويقول ايضا الشاعر بلا مشاعر
وش لنا بمهلدسات مهلدسين .. هلدس الاوراق بيدينه شخط
ثم قالوا هذا رسم مهندسين .. كل منهم رافع الخشم وشخط
كان له يدين انا لي يدين .. فاهم في الرسم وافهم كل خط
كان له من دين انا لي دين .. أعرف الديره واعرف كل خط
كان له من عين انا لي عين .. يدرك ان الوز ما يشبه بط
وكل بط طار من عين لعين .. غير بطك ما ابد للقلب بط
------------
ما يمديها يا عاطله فانا عاطل ولا انفع لشيء
يا عاطله وشلون طعم البطاله .. وشلون شفتي قهرها والمراره
في ديرة تزداد فيها العماله .. وحنا ندور للوضايف دواره
الله حسيب الي تمكن لحاله .. وخلا شباب هالك في مساره
كل تعلم واستعد بمجاله .. وتالي ضياع العمر يبقى بداره
قالوا بطاله ثم قالو عطاله .. منهوا يعير القلب مني اعاره
هذي فشاله والله انه فشاله .. من مجتمع توه يعرف الحضاره
----------------
اقتباس : يا خراب لهوي
اقتباس : مراحب
اقتباس:
king of btalah
انا اشهد السداسيه؟لاتسميها سداسيه الا معلقه شعريه (بالله كم بيت يالله عد)
لو بدور مستحيل وسابع مستحيل القى زيها...
عشان ماندور لاتحرمنا معلقاتك
|
اقتباس : TAM
اقتباس : عبدالله الغامدي
اقتباس:
حي من دورج لنا الفنجال .. كنج حرف ومن عرفته دون
فيه عرف يتعدى لو مية رجال .. وفيه عز وكرامه ماتعرف الدون
سلم مافيه لا نقص ٍ ولا هرجال .. وهو يبني وغيره بالخفا يهدون
ولكن من كثر همه غدى برجال .. يناظر كيف صاروا للخنا يصيدون !
قعد في جال وخلاهم هناك بجال .. يوزع تركته للي هنا يعدون
سلمت وكلنا نكتب وحنا عجال .. وصل ردك قبل ماغيرك يردون
ابونوره
|
------------------
هلا يا خرابي
هذاك باع الشعر في سوقه بلاش .. اما انا ماريد في السوق بيعه
ماني بشاعر لاش واقول للاش .. الي يسوق الشعر في سوق بيعه
جتنا وراحت واقبلت بالتبلاش .. ياماشرينا ما مضى من ربيعه(1)
ياما حكينا للزمن والزمن ماش .. والي مشى يمشي بمشية ربيعه(2)
ما قد طوانا الوقت يا وقتكم ماش .. حنا ربيع الوقت حنا ربيعه(3)
مانرتضي بالدون في وقت كماش .. لوضاع عمر كان واقفى ربيعه(4)
(1) فصل في السنه (فلا تقرأها بشكل اخر )
(2) الصقيق المخاوي
(3) العائله ( فلا تفهمها بشكل آخر)
(4) ريعان الشباب ونعومة الاظفار
مراحب هلابك ومرحبتين
أبشر بعزك قلت واقول لكم تم .. وتم على تم يساوون تمين
تمتم وتمتم بالشعر شخص معتم .. يقول من فم بلاهوب فمين
كانك لاشعاري قريب ومهتم .. بيكون لك هم ولي صار همين
هم اقول الشعر لا قلت لك سم .. وهم بيوت الشعر تطرب لدمين
دم يقول الشعر لابياتها كم .. ودم حكم للوزن جرح وسمين
سم على سم ولاهوب منسم .. وكم على كم يصيرون كمين
التمتمه والكمكمه هي حاله شعريه مستثناه لا تصدر الا هنا
هلا وغلا تام تام
ياهلا والله وحي البنت تام .. بنت دامت بالتميز في الحضور
كلما جت حاضره جت بانتضام .. يشهدون الزايرين مع الحضور
ما نجاملها فلا حنا غشام .. حنا شفنا النور من بدر البدور
تكتب الموضوع وافي بالتمام .. كاتبه في الرد واضحة السطور
تضبط التنسيق تنسيقه وسام .. باين من حرفها طيب الشعور
ما عليها تام فعلن او كلام .. نادره ما مثلها في هالندور
وحانت المبارزه
هلا والله ويالله ان تحييه
أبو نوره خذاله صهوة الفن جال .. وخلا كل غيره منع رفته دون
فلا فن بلا صوت بشعر جال .. وصل لاقصى مداياها معاه الدون
وغناها وطن غنا وله رجال .. تطيش أرواح للمغنى ولا يهدون
تذوب قلوبها بموال تدور بجال .. مداعيب المها دام الموصي دون *
خذى نبرة ديار للجبال بجال .. وغنت من مشى في ردبها يعدون
حكم فنه وخلا للقلوب عجال .. ملك فن العروبه وغيره يردون
ونقول في السداسيه التاليه
هلا بالشاعر الصمصوم يا حيه .. هلا بالي فتحنا البدع بأسبابه
يجيب الرد في الروحه وفي الجيه .. حكمنا البيت لكن منغلق بابه
يشع في السما لامن برز ضيه .. يزول بزوله المجهول وحجابه
ولد غامد واهل غامد بشر حيه .. نجوم في السما للعز طلابه
ومن لا يمدح بغامد خذى كيه .. تشاف بعينه وما يخفي حجابه
ومن لا يمدح بغامد فهو زيه .. تنتف شاربه تنتيفها اهدابه
ونعم في غامد قولهم قول وفعلهم فعل
وبسم الله نبدأ في قص شريط السداسيات المسلسعه المتسلسعه
اقتباس : عبدالله الغامدي
[QUOTE][
يقولون احذر اللقصات من حية .. وكم من حي ميت نجهل اسبابه
فقد روحه مع الروحات والجيه .. وراح العمر يدوّر لبس جلبابه
هلا باللي معه زانت اراضيه .. وهلا بالمنتدى اللي يمنا جابه
دخل قلبي وقلبي قال ياااااحيه .. عميق الفهم راعي تجربه لابه
سلم قلبه من النغزات والكيه .. عسى مايختفي عرفه ورا حجابه
نفاخر بالمدح لاجاء من زيه .. كلام ٍ لاقرته النفس تهدا به
اتمنى ان ينقل الموضوع لمنتدى الشعر .. يم يم
(بعد اذن الكنج )
ابونوره
/QUOTE]
----------------
هلابك يا بعدهم يا بعد حيه .. انا للحي ماني للهلس بابه
ولجنا في بحور الشعر ولجيه .. بنيناله بيوته والسجل بابه
قلوب صافيه خاوت مراضيه .. تجابه من يكود ويمنا جابه
يجيله مننا اعصار رياااااحيه .. تقشه قشتن للجرب هلابه
تخلي عقل راسه دون ملكيه .. فلا ميز براقعها من حجابه
فلاهو عاري او لابس زيه .. ولا له ناس تامن به وتهدابه
--------------
وهذي النهايه بعد جرك وش تبي
البيت موجه لعود الاراك
كانت سداسيات حسنه وصفق الجميع وكان الحضور خفير ( بالغين )
العرض العادي
