قصيدة ناصر الـفـراعـنـه( ناقتي)

[ناقتي يـا ناقتـي .. لا ربـاع ولا سديـس=وصليني لابتي مـن ورى هـاك الطعـوس
حايل(ن) رابع سنه من خيار العيـس عيـس=خفهـا لا درهمـت كنـه بالنـار محسـوس
في دجى خالي خلا .. لا حسيس ولا نسيس=تدوخك من شدة البـرد طقطقـة الضـروس
في عيوني يكفـخ الطيـر ويطيـح الفريـس=وانتهض جساس من دون خالتـه البسـوس
وفي خفوقي فرخ جنية(ن) يضرس ضريـس=يوم اوردها هجوس(ن) واصدرهـا هجـوس
ديرتي دار ابن ضاري وابن غثلـم جريـس=ديرة اللي دوجو فـي فيافـي نجـد جـوس
ديرتي يا بنـت شيـخ(ن) ومعدنهـا نفيـس=عيطمـوس(ن) دونهـا دثرتنـي عيطمـوس
جادل(ن) مطرق جسدها مع الغربـي يميـس=طينة(ن) من تربه الخلـد والـدم محمـوس
نقشت خمس(ن) من الخمس في ليل الخميس=ليـت شعـري مـا ارادت بهـذا دختنـوس
كـم تمنـى امعـه مثلهـا فتـنـه ابلـيـس=كان يمكن قد قلـب نصـف امتنـا مجـوس
كن دماث الصـدر منهـا كنيسـه او كنيـس=صومعة رهبان ديـن(ن) يـؤدون الطقـوس
آتقـوس مـع تقـوس نواهدهـا واقـيـس=قبتين(ن) قاب قوسين قوس(ن) جنـب قـوس
خصرها يحكي لنـا واقـع القـوم التعيـس=وردفها عن غطرسة بـوش يعطينـا دروس
من رغـم قصرهـا مـا يجالسهـا جليـس=تصبح اطول نسوة الارض في وضع الجلوس
العروسه ماتبي غيـر ابـو تركـي عريـس=العروسه نجـد ماهـي بحيـا الله عـروس
نجد بنـت المجـد ونسـة مونسـة الونيـس=ما عسفها الا معزي ضحـى يـوم العبـوس
كل اهل نجد(ن) هلي من آجا حتى الخميـس=في ذراهم بلتجـي عـن مقففـة الرسـوس
وعيشتي ما بين اسود(ن) ولا مانـي رئيـس=خير من كوني رئيس(ن) على شلقـة تيـوس
وليس عيب ان خدعني بمكـره كـل هيـس=لأن ما يفهـم بطبـع الهيـوس الا الهيـوس
مصطفى فـي مأدبـة عمـه البابـا لويـس=كبر اللقمه تحت ضـوء حمـراء الكـؤوس
وطسم حدتها على حائـط المبكـى جديـس=يوم شقت ثوبهـا بنـت عفـار(ن) شمـوس
سيدة هـاك القصـر اسمهـا الاول لميـس=دونها سمـر الحناجـر بترهـا حـد مـوس
قسقست لأحرارهم قيس قيـس قيـس قيـس=والبستهـم مـن مهانتهـم انـواع اللـبـوس
بين خدعه كعب أخيل(ن) ومولـد ادوريـس=درسونـا الالـه والمـدرس هـو نــروس
ويش لاقو من قناه السويس اهـل السويـس=وويش لاقو مـن تلمسـان قـوم منسنـوس
كلهم مـن شـدة الجـوع راحـو خندريـس=بين غيبوبه مخدر وصحـوه عـرق سـوس
ثورة(ن) راحـو سببهـا بتـوع الاوتوبيـس=وش نبي فيها وهي مـا تهـز الا الغـروس
آفه المرء اثنتان .. إلف كاس وحـب كيـس=والنفوس اليـا بغيـت تْعرفهـا ارم الفلـوس
ينكشف زيف الشعارات الا حمـي الوطيـسترجع الاذناب اذناب وتبقى الرؤوس رؤوس
صدق لا قال العرب ما يحوص الا الخسيس=ولا يوطي الرؤوس شي مثل ضعف النفوس
ناقتـي يـا ناقتـي لا ربـاع ولا سـديـس=وصليني لابتي مـن ورى هـاك الطعـوس
وشكر

جميل جدا ما نقلت أخي الساهر
وناصر الفراعنه شاعر يستحق أن ينقل له
نتمنى له الفوز بالبيرق والمليون
وفالك البيرق أخي الساهر :p:D:p

°ˆ~*¤®§(*§*)§®¤*~ˆ°
يعطيك العافية

ولك جزيل الشكر
°ˆ~*¤®§(*§*)§®¤*~ˆ°

بارك الله فيك يا بو محمد
نقل رائع
وفالك البيرق