قصيده للشاعر / سلمان الحريصي
بصوت راااائع
http://sites.google.com/site/kheraish/Home/slman_n.ram
ماني من اللي يخضـع الـراس للنـاس * أهون علـيّ أمـوت والـراس عالـي
وماني من اللي يشرب الخمر بالكـاس * ويعيـش بيـن الخايفـيـن الـذلالـي
كيفٍ يكيّف بك وهو شـرب الانجـاس * وتحسبنّـه مـن طـبـوع الـرجـال
من كيف راسك صرت معدوم الاحساس * وتبيـع عرضك..وانتبـه مـا تبالـي
وكل يـومٍِ ضيّـق الصـدر منحـاس * ومن باع مـاي الوجـه بـاع التوالـي
وماني من اللي يعتـذر ساعـة البـاس * ويهاب مـن سرْيـا الوهـن والليالـي
أنا بـدوي ولـي قبيلـة ولـي سـاس * أشـب نـاري فـوق ذيـك الجبالـي
أقـرّب الدلّـه ونـجـرٍ ومحـمـاس * والكهربه عندي القمـر لـي صفالـي
وبعد المطـر هبايـب الجـو نسنـاس * والبرق مـن بيـن الساحـب الثقالـي
جوٍّ يـزوّد راعـي العشـق هوجـاس * ويحتـار مـا بيـن المهـا والغزالـي
وكـل رجـلٍ فيـه للطيـب مقيـاس * ولله علـى خلـق الوفـا والكمـالـي
أهدي تحياتـي لكـم فـوق قرطـاس * أشـرح معانيهـا واجـاوب سـؤالـي
-----------
العرض العادي
