ما هي غريبة لو تناسانـي النـاس
بس الغريبة ؟؟ من ذكرتـه نسانـي
لا ما نسيتك وقت ضيقات الأنفـاس
لأني وعدتـك مـا أتركـك ثوانـي
ويومي وهبتك صادق الحب بإحساس
تترك خفوقي من جروحـك يعانـي
عيَشتني همَن وغـدرن وهوجـاس
وكرَهتنـي أحلـي ليالـي زمانـي
كنت بعيوني نادرن مثـل الألمـاس
وأكبر دليلن كنـت أحطـك مكانـي
عاديتلك ناسـن وراضيتلـك نـاس
وعصيته إللِي ؟ عن غلاتك نهانـي
إحذر من إللِي ؟ تالي حبـه إفـلاس
إللِي يشيّـد لـك قصـور ومبانـي
بكذبن وبهتانن ! وبأيّمـان غمّـاس
وتصبح حياتك بين مجنـي وجانـي
قلت أحمد الله يارفيقي علـى سـاس
بنيت حبي وأحمـد إللِـي عطانـي
قلبه صدوق ووافيِـن حـر قرنـاس
ما شفـت مثلـه لا ولا منـه ثانـي
مابي بديله بين ربعـي والأجنـاس
هذا كلامـي يـوم ربـي عمانـي
عن غدرك إللِي فايقن غدر جسّـاس
طعنتنـي مقفـي وربـي حمـانـي
وماهي غريبة لو تناسانـي النـاس
بس الغريبة ؟ من ذكرتـه نسانـي
وسلااااامتكم