وش فيك ياصاحبي ؟

بسم الله الرحمن الرحيم ..
ابيات متواضعه .. حبيت اطرحها لكم ..


وينك ياصاحبي ماظن تسرك احوالي
العين سهرانه وجفاها من همها النوم
اشوف همن من تالي الليل يطرالي
والصدر ضايق والقلب من مافيه مكتوم
وش فيك ياصاحبي عني اليوم سالي
وش غيرك وش جاك عني من علوم
لاتصدق فيني هرج حسادي وعذالي
انت تدري انك لحالك بكوم والباقي بكوم
انا مابيع شخص عديته بيوم غالـــــــي
لو باعني ماهي من عادتي ها السلوم
خل عنك هرج العوذال الفاضي ولا تبالي
ولا انت غالي ومعزز بقلبي ومحشوم
ميل علي و سامرني وتقهوى من دلاالي
تعال ودي اشكي لك اللي بقلبي من هموم
مشتاق انا لديرتي واعمامي خــــــــوالي
اشتقت انا لشمسها وسماها والغيوم
يازين هواها يوم ياتي لك شمالـــــــــي
يازينها تالي الليل تبرق بسماها النجوم
ياجعلني فدوة لها و لاهلها اول وتالي
وياجعل السعاده على اهلها تـــــدوم
ياصاحبي وسع صدرك وخلك شمالي
ياجعل طيور السعاده على راسك تحوم
انت وديرتي ياحظي بكم وياطيب وفالي
جعله مايجي بيننا بيوم زعل ولا لوم

تـــــحــياتــــي

مبدعة دائما
فقلمكِ يعتلي القمه حرفا وخلقا
موضوع رائع من كل بستان اتيتي لنا بزهره
بوركت جهودك وسلمت يداك
لك منى أجمل تحية