رديه بين الشاعر خالد المطيري والشاعر عبدالرحمن الحبي

أرسل لي الشاعر خالد بن غلاب المطيري أبيات وقد قمت بالرد عليها أحببت أطﻻعكم عليها أيها اﻷحبه.

يابوبدرفيك أحلى الابيات تشتاق .
والمدح في مثلك يزيدإشتياقه.

ابيات من هاجوس قلبي والاعماق.
وتهدي بعد من طيب الورد باقه.

ماكل رجالن على الطيب سباق.
بس انت لك مع كل طيبن علاقه.

علاقتن تبني على المجد ميثاق .
على االوفاء تحمل دليل وبطاقه.

وش قيمة الانسان من دون الاخلاق.
ياعالي الاخلاق فخرالرفاقه .

انته كما نجمن لمع بين الافاق .
رفعك ربي مع نجومه وافاقه.

....الشاعر خالد غﻻب المطيري .
26/12/1434

الرد /

يامرحبا ترحيب بهل الوفاء ﻻق.
ترحيب بمطير الكرم والصداقة.

حمر النواظر يوم يبسات اﻷرياق .
والطيب يعشقهم جميعا عشاقه.

مابينهم خاين ومجرم وبواق .
ومابينهم فاجر وقطّاع ساقه

عرفتهم عن قرب ما فيهم نفاق.
على النقاء شفت اﻷدب واللباقه.

نهديهم البيضاءعلى روس الاشهاق.
وشعرٍ مثل قرح العسل في مذاقه.

مسكانهم في نون عيني والأحداق.
خيرة مطير وكاسبين الطلاقه.

الشاعر : عبدالرحمن محمد الحبي
26/12/1434

ونعم والله بالشاعر خالد المطيري
صح لسانه على هذه الابيات
وصح لسانك يا شاعرنا ابو بدر
رد رائع وجميل بيض الله وجهك

مشكور يا شاعرنا
صح لسانك

سلمت و دمت يا بو بدر
قصيده جميله و معناها بليغ
صح لسانك و تقبل تحياتي,,,,

صح لسانك ابو بدر

وتسلم على هذه الابيات الجميلة

قصيد جزلة وطيبة

لك مني كل الشكر