هيهات ينسى القلب شخـص ٍ لعبّـه ৫৫৫ وهيات يدله خاطري منـك هيهـات
ونبع الغلا عنـدك وعنـدي مصبّـه ৫৫৫ ومن الولا .. في خافقي لك ..ولاياات
المسا عوق الشقـاوي وطبّـه؟৫৫৫ وليه الهبوب تصحي القلب لا بـات؟
وليه القمر يدعي جريـح المحبّـه؟ ৫৫৫ ويقول له يا هيه..ما فات ..ما مات
جرحك ظهر لو قلـت للوجـه خبّـه ৫৫৫ وللحزن في ضحكك رسوم وعلامات
وليه المطر بالذات ريحـه.. وصبّـه ৫৫৫ كنّه رسول بيـن الاحبـاب بالـذات؟
اشتـاق فيـه لشوفتـك واتنـبّـه ৫৫৫ للي نسيته مـن مواقـف ونظـرات
لا استانس الخافق ذكر مـن يحبّـه ৫৫৫ ورجع يراجع فالوناسات مـا فـات
يا مرتـع القلـب الحزيـن ومربّـه ৫৫৫ يزيين بك مثل الذهب صدر الابيـات
هيهات ينسى القلب شخـص ٍ لعبّـه ৫৫৫ وهيات يدله خاطري منـك هيهـات
ونبع الغلا عنـدك وعنـدي مصبّـه ৫৫৫ ومن الولا .. في خافقي لك ..ولاياات
وطيفك حطب عيني..وعيني مشبّـه ৫৫৫ والشوق برد ٍ ما انقطع لو للحظـات
ومكانك الصدر ولـك القلـب شبّـه ৫৫৫ بين الظلوع اللـي فردهـا التنهـات
ولك بيـرق ٍ فالقلـب حبـك يهبّـه ৫৫৫ شامخ ولا هزه من العـذل غـارات
محبتـك فالوقـت ذا مـا تشـبّـه ৫৫৫ الا بخيمـة بـدو بيـن العـمـارات
ان شفتني ضايق واهوجس واسبّـه ৫৫৫ اخاف غدر الوقت.. والوقـت دورات
لا تحسب ان دمعي نـزل دون سبّـه ৫৫৫ ابكي من الفرقا وهي مابعـد جـات
الـيـوم كــل امورنا..مستتـبّـه ৫৫৫ وبكره ماندري وش معه من مسرّات
اربّ قلبـك مثـل قلـبـي اربّــه ৫৫৫ ما يخلفه كل العذل والمسافات