ليه خـايـف وسرك في عيونك سجين
وانـت تثني عليه القيد فـوق القيـود
ليه تـرجـف ضلوعك رعـب لا هو يبين
اعترف وش يزعـزع فيك ذاك الجمـود
ودك انــه تــوفـى ودك انــه دفـيـن
ودك تحس مالـه في الوجـود بـوجـود
بـس خابـت ظنونك رغم طـول السنين
شف سجينك بعينك صار معنى الوجود
انت تسمع صياحـه ذاب شـوق وحنين
خـف مـن الله لا يطغى عليك الجحـود
لـو تـحـرر سجينك تعتقـه لجل عـيـن
تحتفي بـك مْلك عرشـك عليها يـسـود
لـو طلبتك جـواري لـي ومُلـك اليمين
قـل جباك الجـواري نـاقضـات الجعود
لـو طلبتك تـصـوغ العُّقد لـؤلـؤ ثميـن
قـل فداك الثمين وعُّقد يسوى عـقـود