أمشي مع الوافي

يفهمني الإنسان والجن والطير
ولا تلبس بيوتي ثياب الصعوبه


اللي عليّ أخطا أمسّيه بالخير
وأقول يا ربي تسامح ذنوبه


واللي عطاني سرّه أرميه في البير
واقطع حبال الهرج وأطوي غروبه


أمشي مع الوافي بحشمه وتقدير
وقصر الصداقه ينبني فوق طوبه


إن جا خطا مني آسوق المعاذير
أسوقها سوق البعارين صوبه


والنذل ما أحطه خوي المشاوير
ولا اخاوي الجاهل ولا أمشي دروبه


والحب عندي غير . أنا أحب وآغير
واللي أحبه ما اشتكي من عيوبه


إن غاب عني قلت حكم المقادير
والنفس تمشي راضيه ومغصوبه


أترك عيوني في خياله مساهير
إما كذا ولاّ من الحب توبه


واللي يقول الشعر حكر المشاهير
قصيدتي تحكم عليه بعقوبه

إن غاب عني قلت حكم المقادير
والنفس تمشي راضيه ومغصوبه


أترك عيوني في خياله مساهير
إما كذا ولاّ من الحب توبه

</B></I>