تنويه وإظهار الحقائق

الله اكبر عدد ما نادى المنادي الله اكبر.
يطيب لي ويشرفني ان اتقدم إليك و لافراد الطاقم الاداري والاعضاء بالشكر الجزيل على ما تقدمونه لرفعة مكان هذا المنتدى بين المنتديات الاخرى .
وصل الامر الى القمه. من اوصله؟ انتم ومساعديكم الذين يعملون بصمت , سيروا جميعاً ونعاهدكم باننا معكم في رفعة صوت الحق .
الناجحون محسودون وانتم منهم.
دع السفينه تبحر ..........
السحاب يمرح ................
انني والله استحي ان اكمل الامثال السابقة لان هذا المنتدى لا يكتب فيه مابقي من المثل لان الكلمات تخجل من دخولها.
كنت خجولاً ان تكتب ولكن كما قلت ( وصل السيل الزبا) اكتب اكتب اكتب فكلنا اذان صاغية وكلمة الحق تبقى الى الابد.

للا سف انه هناك قلوب مريضة لا تريد النجاح قاعدة تسب بس لا نها فاشلة ولم تعمل وليس لديه اي راي سوى افلق , قفل , وقف , خله زي ماهي الخ ......
ويريدون كل شي يبقى زي ما هو بدون تغيير ويخافون التغيير لان التغيير سيطيرهم من اماكنهم

ويكفي المنتدى نشر الفكر التعاوني بين شباب القبيلة بدلا من الفكر الهياطي اللي ما فادنا في شي

وام الرسائل ففي باقة جديدة في الاتصالات السعودية وهي 500 رسالة ب 12 ريال فقط
وهذا الرابط الباقة
http://www.stckeys.com/sms/index/ar

الله يعطيك العافيه يابو نايف انت وباقي الشباب وقل الحمد لله ان معاك شباب يساندونك في مسيرة المنتدى وهذا بحد ذاته ايجابيه ان لو تراجع واحد يتقدم الثاني فمع جهودك تصبّر لجهود الاخرين

وإذا جى مني شخصيا انتقاد فلا والله ماهو حسد فكيف احسد وانا عارف التكاليف وعارف معاها الانشغال والارهاق النفسي والضغوط الي تصير بسبب ادارة المنتدى

أي منتدى ناجح لابد يكون محارب وكلما زاد نجاحه زادت الحرب عليه والمنتدى هذا ناجح وسر نجاحه في اعضاءه والقائمين عليه وسر استمراره قوة صبرك انت والاداريين فيه ماشاء الله تبارك الله والله اني اقولها بدون مجامله ومعجب فيك انت وباقي الاداريين زي اعجاب اي عضو يبين قدر اعجابه فيك فلا تيأس لا اليوم ولا بعد اليوم لان هذا حال المنتديات وحاس بالضغوط النفسيه الي تمر فيها انت وباقي الاداريين

انت تطرقت لامثله من الارقام يمكن يضن الي قراها ان هذا مجموع الصرف على المنتدى وانا متأكد مثلما اني متأكد اني اكتب في المنتدى انها امثله ما تمثل ولا ربع التكاليف فسبق وجربت والي ما يجرب ماراح يحس الا بعد التجربه وش معنى فتح موقع وقدر الحرب الي توجه ضده فموقعين جربت فيها الاول لثلاث شهور والثاني ما كمل ست شهو تكاليف تشغيلهم الاثنين وتصميمهم 18 الف وبسبب الضغوط والاختراقات توقفت لان ما عندي القدره على الاكمال لا ماديا ولا قدره على تحمل الضغوط المستمره مو من اعضاء مومستوعبين اش الي يصير فاما انك ترضي الجميع او تكون مستهدف من الغاضب عليك فاما تكون مداري او مجاري او تتوقف او تستمر وفي كل الاحوال خسران وما اقصد فيها تكاليف المنتدى السابق فلا تضن او يضن الي سبب ضغوط من شباب ال حبه انه تجنى فتكاليف المنتديين السابقه باسم ال حبه ما كلفت ولا 1% من تكاليف المنتدى هذا ولسى روابطها موجوده ولو ندمان او حاسد كان على الاقل فكرت في تشغليها لانها لسى متوفره وما تحتاج الا لتشغيلها من جديد لان باقي على الحجز حتى ينتهي ثلاث سنوات (10-Oct-2013) فلا احد تلعب فيه الضنون لو انتقدت او حاولت اثاره يكون الهدف الاساسي فيها هو تنشيط الموضوع فالاعضاء في اي منتدى كان يحبوا حماسية النقاش ولو انتقدت اسلوب الحذف والتبنيد فالاعضاء يتحطمون اكثر لما يلاحظوا ان كلامهم غير مرغوب فيه خاصه من المشرف او الاداري لانهم واجهة المنتدى فبدال الحذف والتبنيد يتم الشكر ويتم منح الثقه بانهم مرغوب في تواجدهم

اتمنا ما تفهم كلامي خطا فزي ما قلت معجب في ادارتك وقوة صبرك انت والاداريين لكن زي ما تحس بالضغوط واعلنت للجميع ان بلغ السيل الزبا وانت الي مالك الحل والربط في المنتدى تذكر ان حتى العضو انسان ينجذب بالشكر لانجازاته والتقدير ويتدمر بالكفر لانجازاته والتحقير فاستفد من الضغوط الي تمر فيها الان ووجهها لصالح المنتدى فـ 100% وما اراها مبالغه من الي يكتبون في المنتدى ما سجلوا لجل الكتابه الا حب في المنتدى وجربها بنفسك وانت تسجل في اي منتدى ما تسجل فيه الا حب للكتابه فيه لكن لو لقيت حذف او ضغط عليك راح تتحول لكاتب عدائي كردة فعل على الي يجيك

سبق وتكلمت في بدايات المنتدى انك صرفت على المنتدى اكثر من 25 الف هذا غير تكاليف الاجتماعات والسفرات والي اهم منها جميع هو انشغالك بالمنتدى الي يهدر وقت طويل من وقتك فبالله هل تضن الي يعرف الشي هذا انه يحسدك على التكاليف وعلى الوقت وفوقه الضغط النفسي فاكثر من يعاني في المنتدى واكثر من يطول فيه هو مدير المنتدى يكون اول عضو ويكون اخر عضو فبالله هل تضن الي يعرف الشي هذا راح يحسدك

كلنا نشوف المنتدى واجهه لديرتنا حتى لو اختلفت الاراء وكلنا نشوف ان من حقنا نكتب فيه ونجتمع للنقاش فيه لكن اذا وصلت لمرحلة الضغط المتواتر والتشكيك ورمي التهم وللاسف حتى كلمة القافله تسير والكلاب تنبح فاذا الي يقولها يشوف نفسه ناقه فغير ما يرضى ينقال عنه كلب فالكتاب مو حيوانات لمجرد اختلاف رأي الكتاب الموجودين هم ابناء الديره الي نجتمع فيهم ونتبادل التحايا معاهم ونبتسم لهم ونحبهم حتى لو اختلفت وجهات النظر لكن قافله وكلاب مو مكانها المناسب في المنتدى الي يتخاطب فيه ابناء ال حبه فلا يجي الواحد يدربي راسه وينقل جمله حفظها ويطلقها على ابناء ديرته فاذا يرضاها الي يطلقها على الاخرين بجهاله فغيره ما يرضى انها تطلق على الي يقولها فيشلها شلوهوا ورضوبوه في الحدبه ولا عاد يقولها لاولاد ديرته سواء بالتليمح او بالتعميم

ما ودي اكثر في الانتقاد عشان ما يفهم منه انه ضغط او تدمير جهود لكن كلام عابر مجرد وجهة نظر فابناء ال حبه الكرام لما يتكلم الواحد وينطقها ويعتز فيهم وفي ديرته يكمل جميله ولا يخبق بها في موضوع ثاني ويحش فيهم ويسب لمجرد اختلاف وجهات النظر الكرام الافاضل ما ينقال عنهم كلاب ولا ينقال عنهم حساد او فاشلين والي عنده جرأه يقولها بالفهم المليان في وجه المقصود اذا انه يملك الشجاعه لنطقها او يحتفظ فيها بعيد عن التلميح ويكمل جميله في عزة وكرامة جماعته واهل ديرته

اخي وحبيب قلبي ابو عبدالله
عظم الله اجركم وحسن الله عزاكم
واخر المصائب ان شاء الله

اخي ابو عبدالله انا عندما كتبت هذا الموضوع ليس بسسب اختلاف الاراء او وجهات النظر
ولم يسبق لنا ان منعنا النقاش والحوار سوى في امور الديره او غيرها ما لم يتعدى الخطوط الحمراء
وشروط وقوانيين المنتدى .
انا كتبت هذا الموضوع كما اوضحت في العنوان ايضاح الحقائق لمن انتقدونا لماذا لم نقم بارسال رسائل عندما توفى والدك رحمه الله
هاؤلاء الذين حملونا اللؤم ليس عندهم خبر بالوفاه الا بعد يومين وثلاثه ايام من الوفاه .
اخي ابو عبدالله هاؤلاء اتصلوا في وفي ابو سهل وحملونا الخطاء عن عدم علمهم بالوفاه .
اقولها بالفم المليان ان هاؤلاء هم من يتبجح في المجالس ويقولون وش هذا المنتدى ماذا استفدنا من هذه المنتدى
هاؤلاء من يقولون انظروا من هم القائمين على المنتدى كم من سب وشتم واجهناه وانت تدري بالذي صار.
وممكن شاهدت بنفسك ما قيل في وفي ابو سهل وفي ابو صافي وفي ابو بحر .
انا مستعد اطبع لك كل ما قيل فينا فلازلت احتفظ بها على الارشيف .
لماذا تزعل لما نقول انهم كلاب تنبح نعم اقولها ويقولها كل واحد يغار على مصلحة القبيله .
اخي ابو عبدالله ماذا تقول عن من يسعى في تفريق الجماعه والسعي في عدم انجاح كل ما يهم مصلحة الديره .
ابو عبدالله انت عائش معهم على ارض الواقع وتشاهد ما يصير منهم ومحاولة احباط كل مجهودات من يسعون لإجل مصالح القبيله .
اخي ماذا تقول عن من هدد بالسعي في انها المنتدى واختراقه ماذا تقول عنه اليس هذا بكلب ينبح .
ابو عبدالله انا اقولها وكل فرد من افراد القبيله يقولها لكل شخص يحاول السعي والهدم لكل ما يبني في الديره ومحاولة التفريق بين افراد القبيله
انه كلب ينبح ولن يظرنا نباحه ما دام يوجد فيها رجال شرواك يهمهم مصلحة القبيله .
اخي ابو عبدالله انا والله لم اكتب هذه منه على ما قمت به لا والله فهو عمل لوجه الله تعالى ولقبيلتي.
وانت تعرف كم واجهة انت من مشاكل في المنتدى الاولى لانك انت من اسسه والقائم عليه .
ولكن بعد ما طفح الكيل من يقولون في المجالس يجب ان ندعم المنتدى ونفعل ونصنع اين هذا الكلام .
اخى ارسلنا رسائل نطلب الدعم للمنتدى الي كل من كنا نتوسم فيهم الخير والله لم نجد تجاوب سوى من شخصين وبمبلغ زهيد .
فكيف يريدوننا ان نرسل رسائل عزاء او تهنئه وانت تعرف تكاليف الرسائل .
ابوعبدالله انت لم تتحمل ما حصل لك بسبب المنتدى الاول وقمت بإغلاقه وانت تعرف ان اشتركك لم ينتهي الا في 2013 ام هناك سبب اخر ؟
اخي عندما انشأت هذا المنتدى وطلبت من بعض الاشخاص ان يكون لهم دور في المنتدى واعطاء بكل معلومات لديه عن قبيلة ال حبه
هل تعلم ماذا قال هذا قال وش اقول لك عن قبيلة ال حبه قال قبيلة ال حبه هم ........................؟
ماذا رديت عليه قلت انت من يسعى في الهدم والتفريق ولا يهمك مصلحة القبيله ومن المفترض اذا سمعت هذه الكلمه من شخص ان تقف بوجهه وتحاسبه على هذه الكلمه .
فاين الغيره على القبيله ومصلحة القبيله ؟ وماذا تقولون لمثل هذه العينه ؟
اما كلمة القافله تسير والكلاب تنبح نعم يا عزيزي المنتدى وغيره من مصالح القبيله سوف تسير وتنجح ولا يهمها من يحاول التخريب والهدم .
وهذه الكلمه تقال لمن يحاول السعي في عدم انجاح ما تسعى له القبيله من اجل مصلحت ابنائها .
وحتى لا تفهم الموضوع خطاء يا ابا عبدالله الكاتب او العضو هنا ممن يكتبون في المنتدى لم يتطرقوا لمثل هذه الاشياء ولم ينتقدوا في كتاباتهم على المنتدى او غيره انما الانتقادات جت من ناس خارج المنتدى .
اخي ابو عبدالله اتصل اشخاص على يقلون لماذا لم ترسل رسائل بالعزاء قلت والله لا نملك ماده واشتراكنا انتهي .
هل تدري ماذا قال ؟
وماذا تريدون( بالفلوس) اليس الرسائل عن طريق المنتدى ؟ صحيح من قال (شر البلية ما يضحك )
والله تعجبت من كلامه وياليت انه امي وغير متعلم فوالله انه جامعي
وقلت له هل ترسل رسائل من جوالك ببلاش قال لا .
قلت اذا صرت ترسل رسائل من جوالك ببلاش انتظر منا الرسائل .
ماذا تقول عن هذا .
واشخاص عندما نجلس معهم في المجالس يقولوا لنا ابشروا منا بالدعم والمد ومن الكلام الرخيص.
وفي الحقيفه كل ذاك الكلام كان في مهب الريح .
يطول الكلام ابا عبدالله ويطول الشرح انت صاحب صولات وجولات في المنتديات عرج على المنتديات المجاوره وانظر ما الذي تجده .
صورة فلان بن فلان تبرع للمنتدى بمبلغ وقدره صوره شيخ القبيله تبرع للمنتدى بمبلغ وقدره .
واخيراً ابا عبدالله اقول المنتدى وغيره من مصالح القبيله سوف تمضي وتسير ولا يهمها نباح الكلاب
لان هناك اشخاص شرواك يعملون ليلاً ونهاراً من اجل مصلحة القبيله وابنائها .

الله يجزاك خير ويرحم امواتنا واموات المسلمين
وقبل القاء اللوم لو كل منا بحث للاخر عن اعذار راح يلاقي فمافي احد من ابناء الدير الا وفيه الخير له ولديرته لكن احيان البعد والقطاعه وعدم الوضوح تسبب اشكاليه في فهم بعض الامور ومع وجود الغضب يتفوه الانسان ايا كان بكلام خارج ارادته
عارف التكاليف الماديه خاصه مع اختيار الافضل من استضافه ودعم فني وتصميم وكلما زادت طلبات الاعضاء وتشرطهم كلما زاد الجهد والتكاليف ولو ماني عارف كان قلت وش ذالتكاليف مجرد منتدى يكتبون فيه الناس فهل وقتها راح تزعل علي لاني ماني عارف او راح اتفهم كلامك الغامض الي ماني مستوعبه
تماما زيه اي نقاش لاي موضوع فالاعتراض على وجهة النظر يكون وراه سبب ان النضره تختلف بقدر الاعتراض ومو بالضروره منبعه الكراهيه او سوداوية القلب
بالنسبه للي هدد بتدمير المنتدى فراح امثل لك بمثال بسيط مشابه له احيان يسجل العضو في منتدى ويشارك فيه فيكون في البدايه ترحيب فيه او ضغط عليه ويكمل مشواره ثم فجأه حصل هواش بين الاعضاء واخذ واحد منهم باند فكمل غضبه واخترق المنتدى او استعان بمخترق للمنتدى او هدد بسبب غضبه انه يدمر المنتدى بسبب غضب وقتي لو كان كاره للمنتدى من اساس ما كان كتب مواضيع ولا دون ردود فوش الفايده من ضياع الوقت ومن اهدار قيمة الاتصال في منتدى ما يطيقه من اساس كان اولى منه انه يسجل في منتدى ثاني ويريح راسه ويرتاح لكن السر في وجود الغضب الي يخلي الانسان يخرج عن طوره
ادري انك تشك فيني احيان وهذا امر طبيعي ويشك القريب والبعيد وهذا امر طبيعي وانت تعاني احيان من شك القريب والبعيد فيك وهذا امر طبيعي والكل يعاني من نفس المشكله طيب والحل
لابد من التقارب فمجرد كلمه من انسان غامض ومو معروف ترسم عنه صوره يا جميل او قبيح لان ما ظهر منه الا الصوره هذي الي كونت نظره عنه وبعطيك مثال لو صادفت في الشارع انسان معبس وجهه وهو اول مره تواجهه هل راح تضحك له او تقابله بالمثل وتاخذ انطباع عنه انه انسان ذو وجه عبوس قمطريرا في كل حالاته بالرغم انه ممكن له بسمه دائمه لكن قبلك واجه له انسان رفع ضغطه وما قدر يقضي على غضبه فواجهك بعبوس وانت تنرفزت ويمكن تواجه غيره بعبوس ثم بعد تلاشي الغضب منك انت واياه كل واحد يرجع لطبيعته لين تواجهه في الشارع مره ثانيه راح ترجع لك الصوره الي ارتسمت في خيالك عنه خاصه لو تكررت وتذكرتها وتكرست
احيان موقف في الصغر يسبب عقده لحد الشيخوخه من انسان من الناس لمجرد موقف صدر من شخص ما كان صديق بعكس لو صار نفس الموقف من انسان رسم مواقف ايجابيه فحده مجرد غضب محدود يلاشيه التقارب
ليش اعترض على كلمة كلاب لانها صادره بسبب الغضب فمو بالضروره يكون الجميع في اتجاه واحد ولو حدث اعتراض معناه العدوانيه والنفي فممكن انت متحمس بدرجه عاليه للمنتدى وتشوفه واجهه ويجي واحد يكره شي اسمه كمبيوتر فكيف تريد انه يأيد شي اسمه منتدى وهو مرسوم عنده صوره بغضاء لشي اسمه كمبيوتر وانترنت ومنتديات مرسوم له صوره سلبيه لابعد الحدود فكيف يمتدحه ويشوفه واجهه الا بيسبه ويشوف عار وشنار فلكل انسان نظره لاي شي في الوجود تخليه يعترض ويناقش ويحاور يأيد ويعارض زي انك تشوف جمالية اللون الازرق وغيرك يبغضه فبالهداوه وبدون تناحر الي يعارض ينقال له بالله اسهب في شرح وجهة نظرك وخله يقول الي في قلبه واذا خلص اعطه وجهة نظرك نقطه نقطه من دون الحاجه للمشاعيب بسمه احسن من لكمه وتحيه احسن من سب واجتماع احسن من فرقه بالهداوه وكله راح يصير تمام التمام
تخيل ان انا وانت خاشين نقاش مع بعض سب وشتم واتهامات متبادله وش راح تكون النتيجه الا التباغض والفرقه
لكن كلمه طيبه منك وكلمه طيبه مني تطيب الخواطر على الاقل لو لساعه فياليت نبتعد عن اطلاق الكلام الجارح لانه ما بيسبب الا عداوه ونفور والكلمه الطيبه كالشجره الطيبه اصلها ثابت وفرعها في السماء وصدقني ياكل ابناء الديره ان فيهم الخير الوفير لكن حدث التماس فحدث التباس