وش خانت الدنيا عقب شمعة البيت=والله مدري عقبها ويـن ابـااروح
امنـولا لاضاقـت النفـس دكيـت=للي سوالفها معي تنعـش الـروح
تربج علي بمشة الجـوف لاجيـت=وانسى معاها كـل هـمٍ وسامـوح
فـي يدينهـا طفـلٍ يتيـمٍ تربيـت=وبعيونها اسوى لي ملايين وصروح
واليوم وين اروح وان رحت رديت=مجروح روح وزادة الوقت بجروح
لاجيت ابسلا حنت الروح واوحيـت=صوتٍ يناديني وسجـات وامـزوح
بكيتها من قلب ليـن انـي ابكيـت=من جا يواسيني عن الهم والنـوح
ياليتنـي قبـل تـوفـى توفـيـت=والا معاها في ثرى القبر مطـروح
اخير من دنيـا الشقـا والتناهيـت=وارحم من التفكير واريح من البوح
اصعب وداع موادع الحـي للميـت=تسكير بابٍ للأمـل كـان مفتـوح
حتى الرجا ماينفعـك لـو ترجيـت=ولا للبكا في موادع الميت مصلـوح :
هذه ابيات نقلتها لكم
على فراق رفيقة دربي ام مشعل
اسكنها الله جنان الخلد
فراق ام مشعل رحمها الله تعالى
العرض الشجري