يوم زاحت شالها

والله اني صابر ٍ لين ربي جابها الصبر عقبه فرج والفـرج حلـم ٍ كبيـر
/// والسهر البارحه طابلي ب/مسامره كن مامـرت علّـى الهمـوم القاسيـه
،،

جابها الله جابها ولاقصرت حسابها كني اللي بالولد بلغـه وجـه ٍ سفيـر
/// سرني بـ/بشارته عقب جرح ٍ ساهره ساعته مرت عليّه ب/ظرف الثانيـه
،،

الله اللي فكني من مسنة نابها صرت غاير عقـب مانـي مناطــح للمغيـر
/// والله انها كايده ودها لي دامره يـوم جتنـي فـي حلاهـا تفاخـر عاديـه
،،

زينها ما هو قليل ولفت لاحبابها ما درت بانه قبـل شوفهـا جانـي نذيـر
/// قلت يامرحب هلا و ادري انها غادره قلت/ يامرحب عسا منتي صدفه غاديه
،،

يوم زاحت شالها وابتدت بخطابها تحسب انه خافقي عن رداها كالضريـر
/// والله انه لو تعرف انها مخاطره كان مـا مشّـت قدمهـا و جتنـي عانيـه
،،

قلت بنشد عن جموع الردا وغرابها قالت ابشر كلهم حالهم يسعـد نظيـر
/// قلت لو صار الضرر للمضره قادره ؟ قالت ابشر فدوتن لـك حيـاة ٍ غاليـه
،،

قلت بان حقوقنا داعيه طلابها قالت المبسم شهـد والنفـس مسـك وعبيـر
/// قلت هذا خاسره يوم فيك مكابره كيف برضابـه وحالـك غـدا كالجاريـه
،،

كل هنوف ٍ محشمة ثوبها وحجابها في عيوني واطيه لو رمقهـا كالغديـر
/// والله انه مطمعي في شموخ النادره ماتركت صلاتهـا وبالنصيحـه داعيـه
،،

من تمنا موتها قبل لا يحكابها بنت شيخ ٍ شيخته مكسـب السيـف الشطيـر
/// لو تفاخر حقها لو حكوا متفاخره مطمع اللـي فعلهـم كالجبـال الراسيـه
،،

وكلمة ٍ فيها حيا ارتجل و ابدابها لا تهقويت القريـب و تنخيـت العشيـر
/// والبشر متخالفه بطبعهـا ومغـادره ولا يـدوم الا ولـي النجـوم العاليـه
،،

ودام جيتي جيت اللي تلج اكعابها ماردعها دينهـا ولا لهـا اخـو ٍ يغيـر
/// ارتفع عنك وطيبي تراني شابره ولاني بغـواي ونفسـي تعـوف الغاويـه

ماأجمل تلك المشاعر التي

خطها لنا قلمكِ الجميل هنا


لقد كتبتِ وابدعتِ

كم كانت كلماتكِ رائعه في معانيها

فكم استمتعت بردكِ الجميل

بين سحر حروفكِ التي

ليس لها مثيل