..صارحيني وانثري حبك حروف..

صارحيني وانثري حبك حروف
سطريها في صحايف من ذهب

إعلنيها دون خوف أو كسوف
بلغيها للملا عجم و عرب

قولي آحبك على كل الظروف
وافي عهدي ولاني من كذب

وابشري بالعز في كل الصروف
ياهناة الروح.. لي عندك طلب

دثريني وسط حضنك يالهنوف
زمليني بين رمشك و الهدب

إطربيني بهمس قلب لي شغوف
في وجودي كل وقته في طرب

اطعميني من شهد حبك رشوف
زيدي اشواقي لهيب في لهب

حركي جذع المشاعر يالعطوف
تسقط ثمار المحبه كالرطب

جيت انا وانتي على الدنيا ضيوف
أجتمعنا والهوى كان السبب

لو تبي روحي تراها ع الكفوف
رهن حبك والغلا فيها وجب

أشهد انك في الملا مالك وصوف
من تباشير الحسن شفت العجب

مثل زينك لا حشا مقدر أشوف
الوفا كمل جمالك والأدب

جأت اهلا ووطأت سهلا يا هلا وياغلا بالحبيب صارحيني
لك وحشة يا هواء بالي والله اني فاقدك ايها الغالي .
تو المنتدى منور وتو البسمة تعود .. اشوف نورك فوق كل نورـ
ــــــ
لو تبي روحي تراها ع الكفوف
رهن حبك والغلا فيها وجب

أشهد انك في الملا مالك وصوف
من تباشير الحسن شفت العجب
ــــــــ
لازلت في غابات الحب والشوق والحنين كان اختيارك موفق ولا زلت على عهدي القديم حنين وقلبك طيب والهواء ادمع عيونك.
....
....
..
.

اخي المغترب يسلمووو يابعد رووحي وقلبي احرجتني بطيب قلبك والسانك المعسول والنور نورك يابعدي ...

‘,
يسلمو صارحيني
ماقصرت
‘,