ارجوك ان تقرا هذه الرساله الى الأخير
وتأكد انك المستفيد وراح تحس براحه رهيبه ... اكيد انك
شايف الناس هالايام كيف قاعدين يسعون ويتفنون في طلب الرزق . هذا راح يأخذ قرض ودخل بالاسهم وهذاك طول يومه بمعارض السيارات والثاني احترق وجهه بالصناعيه وهذاك طاحت عيونه من كثر ما درس وسهر وتعلم ...
وهذا ما عاد شاف اهله من كثر ما يدور بالمخططات والمساهمات العقاريه .
و و و و و ... وللأسف ان البعض هاليومين تخرج من الجامعه وجلس بالبيت
مع الوالده يطبخ ويغسل ويسب ويلعن في فلان وعلان بسبب انه ما لقى مراده
في وظيفه تستر عليه وتسد حاجته بس فيه شغله ناس كثير جدا جدا ما فكروا فيها
حتى اكبر العقليات الاستثماريه ما جت على بالهم الا من رحم ربي . .
يقول الله سبحانه وتعالى
( فقلت استغفروا ربكم انه كان غفارا * يرسل السماء عليكم مدرارا * ويمددكم باموال وبنين ويجعل لكم جنات ويجعل لكم انهارا * )
الأستغفار : يا ناس يا عالم الأستغفار
سبب رئيسي لاشياء حلوه في حياتنا ...
حاول قد ماتقدر انك ترطب لسانك بالاستغفار
لعنت فلان استغفر
اغتبت فلان استغفر
سويت منكر استغفر
رايت منكر استغفر
لازم الاستغفار ملازمه جازمه
اشياء يا ما وياما تمنيناها .. من فينا ما يحب المطر ..؟ من فينا ما يحب المال..؟ من فينا ما يحب يكون عنده اولاد وبنات ..؟ من فينا ما يحب يعيش بوسط جنات وانهار في الحياة الدنيا ..؟ هذه كلها اشياء خياليه ... من جد خياليه ... وماهي صعبه ولا مستحيله على رب العالمين سبحانه .. الله القادر انه يحققها لنا .. بس اذا حققنا المطلوب منا .. وش المطلوب منا ... ؟ شي واحد بس ... ولا اسهل منه
( الأستــــغفــــار )
والاكثار منه .. طيب اوكيه وش النتيجه ..؟ انا اقلك النتيجه : النتيجه عسى ربي يحفظك ويسلمك ان الاستغفار سبب في نزول المطر ( بأذن الله ) .. وسبب في زيادة الرزق وبالعربي زيادة المال ... وسبب في ان الواحد منا يرزق بالذريه الصالحه ان شاء الله ... وسبب في تحول اراضينا الى جنات وانهار .. وهذا مو كلامي ولا كلام الشيخ فلان او المطوع فلان او الداعيه فلان ... هاذا كلام الله سبحانه وتعالى .
فاكثرو من الاستغفار
( استغفر الله الذي لااله الا هو الحي القيوم واتوب اليه
هل تبحث عن الرزق والذريه
منتدى الصحة العامة والطب
العرض العادي
