كل ماذعذع على قلبي هواك
يرتجف جسمي ويغشاني جمود
من عذاب البعد أضناني جفاك
كل ماسجيت عن حبك تعود
والله اني ماتهقويت بسواك
لاتبنّي لي على دربك سدود
خل قصر الحب يبنا من غلاك
كل دور فيه من نورك عقود
يافريد الوصف جرحي من بلاك
وانت تدري بس كاسيك الجحود
وش بلا طبعك تغير ياملاك
لايطول الصمت والفرقى تسود
يعني ودك أرحل لدرب الهلاك
واتناسى خدك الزاهي ورود
واتشقى بين ذاك وبين ذاك
ليه ساكت! قول يالضبي الشرود
غرك اني دوم أطلب من حلاك
يامحلي مر يومي بالوجود
ياحبيبي ويش ودك وش مناك
وش هو اللي تطلبه مني وأزود
أنت تامر وش تبي أبشر وجاك
لا اتغلى واندفن بين اللهود
شعر (طارق الحربي)
كل ماذعذع على قلبي هواااااك
منتدى الأدب والشعر الفصيح ومنتدى الشعر والخواطر وعذب الكلام
منتديات ال حبه التقنية
العرض العادي
