ضعت انا مابين رمانه وتفاحه وتينه

اطلبي كل شي الا الوصف لالا تطلبينـه


ماوصفتك لا وربي لو كتبت الشعر كلـه


انتي شي من الخرافه طينتك ماهي بطينـه


الذهب داخل عروقك زاد ذاك الطين بله


ياجنينه في مدينه لا مدينـه فـي جنينـه


لا جناين في مداين ضاع نرجسهـا بفلـه


انتي قصه من خيال السحر يابنت الذينـه


اضحك ليا شفت حله تلبس من الزين حله


وش جنون الليل لامن فوق متنك تنثرينـه


لو برق خلفه جبينك ثم فضح ذيك الاهله


الله الله بالخلايق يوم رمشـك تشهرينـه


لو نضرتي الناس عله ون تركتي الناس عله


يافدا ذيك الخدود الغارقـه فـي ياسمينـه


او فدا ذيك الشفاه اللي طلع توته بملـه


يافدى بان الغصين اللي حمـل تفاحتينـه


شتت انضاري وانا ضايع معا ضيقه وجله


ثوبها يحضن جسدها غصب لو ترخي يمينه


ول ياثوب الفضاوه ليه ضيقك يستحلـه


ضعت انا مابين رمانـه وتفاحـه وتينـه


كيف انا ما اضيع دام ان النسا به مستخله


اه ياموت العذارى من وصوفن خابرينـه


مستقلـه مستقلـه يشهـد الله مستقلـه


سيدة سادات كل الزين ما تلقـا خدينـه


ما وصفته لا وربي لو كتبت الشعر كلـه

الشاعر
محمد مطلق الجربا

الله يعطيك العافية والصحة الدائمة على هذا الموضوع ... لك مني أجمل تحية .

قصيده رائعه
مشكور ابو نايف
لك احترامي وتقديري

تسلم الايادي على الطرح الرائع
ننتظر ماهو جديد ومميز من صوبك
ربي يعطيك العافية ولاهان قدرك
ولك مني كل التقدير والاحترااام
( وصوووووووووووووووف)