قم يا ابوي وعطني همك

قُـم يابوي .. قُـم يابوي .. قُـم يابوي ..
يا جعل روحي فدوتـ(ن) روحك..
أرمي عصاك ما تحتاجها لا وربي دام خادم رجولك أنا...
قُـم يابوي مثل الجبل لا هدوا أطرافه زادت قوّة أوتادهـ...
أنهض .. تحرك .. مآ أبي أشوفك كسير ..

هات .. أعطني همك .. و خذ ما بقالي من فرح طول السنين...
هات .. أعطني حزنك .. و خذ كل ساعات السرور...
هات .. أعطني دمعك .. و خذ كل دم الوريد مع وريدهـ ...

قُـم والذي نفسي بيد رب الكون محتاجك...
أنا يابوي بليّا وجود .. دامك يا كبير الشأن بليّا حضور...

هاك .. خُذ .. أعطيك .. بس أشّر وش تبي
قُـم .. أنهض .. تحرك

قطعني يا لطيف الروح .. شرحني يا بلسم هاك الجروح .. وخذ مني المزيد .

. بس أعطني

همك و همك و همك
يا جعل روحي تروح مابيها قبل تغيب أنفاسك...
قُـم يا جبل و انهض و ارتفع زود .. تحرك يا نهر و حرك أمواجك..
بس فز من طولك...
قُـم .. دوسني برجلك .. عدني أرضك .. و أعدك سماي

يابوي لا تغسل عيونك بالدموع ولو هي مفيدهـ...!!
يابوي لا يهدك زمن وخذ هدني هدّ الأزمان....!!

قوم يابوي..
أرمي حزنك .. وهمك .. عليَّ .. لا تحطه وراك...!!
أهدني كل الألم هدية
بس قُـم .. عهدتك قوي ...
بس انهض .. عهدتك جبل ما تهزهـ رياح ...
بس تحرك .. عهدتك بحرما غرق سبّاحه ...
طلبتك .. ترجيتك ..

لا يقتلك الحزن .. وأقتله فيني...
لا يهدك الم .. وأجعلني لألآمك هدد...

يابوي حتى القلم عاجز .. متعثر .. يائس .. بائس
والسبب (أنت))
قُـم وأشتري فرحي وبيع لي من همك...
قُـم يابوي

ابسألك ..
تدي وش أكبر هم حسيته من ولدت...؟!!

تدري وش أكثر ألم عشته من ولدت...؟!!

تدري وش أصعب منظر شافته عيني من ولدت...؟!!

تدري وش هدني...؟!!

أني أشوفك تحمل عصاك وأنا لرجولك أرض وخدم...!!

قُـم يابوي اعطني همك وآسقيك من روحي...!!

مماراق لي

يعطيك العافية ابو صالح

قصيدة تشكر عليها لا عدمنااك

هلابك يا ابو خالد
ومشكور على مرورك

كريزي
انا اشكرك شكراً جزيلا أختيار موفق
وين الشباب وين الرحمه بالوالدين
اخواني أما آن الاوان أن تشيل هم والديك
أما آن الان أن تشاركه همومه واحزانه
بلا هــــــــــــــــــــــــــــــــــــــذا
الوقت قد أجا
شكراً لك من اعماق قلبي

شـكــ وبارك الله فيك ـــرا لك ... لك مني أجمل تحية .