جـــرح الـــثــــمـــــان ســــنــــيــــــن .... قصيدة مجنونه!!!

هكذا فجأه رائها بعد الشب دئ ت القصه من حيث لايعلم.....وقــــ
بعد اللهفه
ولم ينعم بلقائها
اتعلمون لماذا
هنا اتركه يحدثكم بما حصل

على الموعد .. بلهفة جيت لا مانع و لا تأخيـر
لفيت من العصر هايم .. مع ان الموعد المغـرب

وجتني بس مدري ليه شعرت الجيّة هذي غيـر
وهي تقرب من عيوني شعرت ان الممات اقـرب

وقلت: (الله يهوّنها) عسى في جيّتك لـي خيـر
انا من شفتك أقبلتـي وانـا خايـف ومستغـرب

على كثر الحكي مـدري كأنّـه خانهـا التعبيـر
وقالت لي جمـل وأشيـاء لا تكتـب ولا تعـرب

هدت فجأة تطالعني وأنا فـي حاجـة التفسيـر
لجل نحكي بهدوء اكثر سألت: الحلوة وش تشـرب

فصاحت بي انا احبك ولك فـي هالحشـا تقديـر
وتدري ان المثل فينـا وفـي احساسنـا يُضـرب

صحيح انك (وفي) وانك (بري) من تهمة التقصير
ولكن ذي عوايدهـم مـن ايـام وزمـن يثـرب

تكون البنت لابن العم و (رغبات الكبار) تصيـر
وتدري الاقربون اولى .. مع انك للخفـوق أقـرب

وتدري للقـدر كلمـة.. لعـادات الأهـل تأثيـر
لذا (أرجوك) تتركني وانـا مـن دنيتـك باهـرب

شعرت بحكيها كنّه قصـاص وامـر بالتعزيـر
شعرت الدنيا ضاقت بي من المشرق ليا المغـرب

مشت خلّت وراها طفل ما يـدرك وش التدبيـر
يحسب ان الغرام أشعار شاعر واغنيـة مطـرب

ضحكت وماقدرت اني ألاقـي لضحكتـي تبريـر
من اللي بوقتنا مرّه ضحك مـن لدغـة العقـرب

رفضت أستوعب اللي صار ولا استسلمت للتغيير
ثمان سنين اجي نفس المكـان بساعـة المغـرب

ورغم ان الثمان سنين جـرح وكلّفتنـي كثيـر
أنا لليوم أجي وأدعي.. تجي يارب .. تجي يـارب




مرة الايام ....تبعتها الليالي
وهنا .. بهذه اللحظاتــــ............
يفقد الامل الاخير
لو وجد امل اصلآ!!!

بعد الفراق ...وتلك الاخبار ...حلت
النهايه التي لا يعقبها امل

هنا لزمه الوداع القاسي
هنا حلت ساعة الفرح لقلبهم
والموت لقلبه
هنا رغمآ عنه..تحدث لزوجها

بل لعدوه....!
هنا الكل يبارك
ولكنه قالـــــــــ

ابد ماجـــيت ابــارك لك ولكــن جيت ابوصيك

على الله ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك

قسم بالله ما تدخل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك

نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لجـل تعطيـك

كذا لازم عشان تفوز إنت .. أخسر بتجربْتـي

تراها غاليه جـداً .. وتكفـى .. والله يخليـك

تدللهـا .. تدلعهـا .. تنسّيـهـا مصاحبْـتـي

أنا من كثر ما اغليها أحس اني بديـت اغليـك

ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك

لذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك

وهي دلوعه اعتـادت علـى كثـرة مداعبْتـي

فداعبها شوي شـوي حتـى تشتهـي طاريـك

وشاغبها إلين تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك

تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك

ما يحتاج اورّي لك بفـن الضـرب موهبْتـي

صحيح انك بتملكهـا ومعـك العقـد بالتمليـك

وانا عارف حدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك

يقول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك

تغطّي ذكرياتي في هواها.. وربْـع تجربْتـي

أحس اني تماديت بكلامي.. والغضب حاديـك

ولو انّك في مكاني ما تفكّـر فـي محاسبْتـي

كفاك اني تركت الليله اشغالي عشـان اجيـك

دخلت القاعه برجلي ولا ادري ويش عاقبْتـي

وانا ما جيت اخرّب عرسك الليلـه ولا أذّيـك

أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك

ترى كل الكلام اللي طلَع من ضيقـيَ وكبْتـي

ولكن ما قدرت انّي أقوله وانـت مـا يخفيـك

أخاف انّـي إذا قلتـه تقـوم وتقطـع رْقبْتـي

بجنون:
________ منقووووووووووووووووووووووووووول __________

بارك الله فيك ونقلك تحياتي

بارك الله فيك
وتقبل مروري

اشكركم على المرور

بارك الله فيك ورحم الله والديك
اسال الله بمنه وكرمه ان يعفوا عنا وان يجمعنا بجنات الفردوس العلى
انه ولي ذلك والقادر عليه