Icon26 حمام ياللي تزعج الصوت بلحون

عبدالله السلوم رحمه الله شاعر كبير
وشعره له طعم خاص خصوصاً الغزلي
اخترت لكم هذة الرائعة من شعره:

حمام ياللي تزعج الصوت بلحون
نوحك طرب منتاب مثلي معنى

يالورق نوحك زادني هم وشجون
أرجيك خفف لوعتي لا تغنى

انته مريح بين غدران وغصون
وأنا عليل وخاطري ما تهنا

ما يجتمع يالورق سالي ومشطون
كف النياح جزيت بالخير عنا

يالورق أنا والله فلا نيب مجنون
يوم اشتكي لك لوعتي واتمنى

يالورق انا اشكي وأكثر الناس يشكون
ومن صوبه سهم من الحب ونا

أنا عليل الحال ياللي تعذلون
ما ارتحت ساعة من سنين مضنا

ابكى على ناس من الحزن يبكون
حدر ضعنهم يوم سند ضعنا

وقفت أراعيهم وهم لي يراعون
ودموع عيني حدرن واسبلنا

وقفوا وهم في كل خطوة يلدون
وحسبي على من هو علينا تجنى

رجعت كني بين الأضلاع مطعون
مثل اللذي صوب براس المحنا

وبقيت لي ذكرى عساهم يعودون
وصورة خياله في خيالي تبنى

حسبي على دار جفت صافي اللون
أمست قفر ما كنها من وطنا

ما عاد فيها غير كثبان وحزون
وما حولها إلا الريح هدم وبنى

صارت كما الأطلال للي يمرون
أرض خلا من مرها ما تونى

هي عادة الدنيا على كل مفتون
غاراتها بالناس يا ما سطنا

ما دام هذي سنة الرب في الكون
يلزمني ارضى قسمتة ما تونى

تمضي ليال العمر والسد مكنون
أجحد صوابي والسنين ارمسنا

أخفيه ما ودي به الناس يدرون
وراعي الهوى المجروح ما يرجهنا

أسهر بليلي والخلايق ينامون
واكتب بدمعي والشعر كل فنا

والصبح حالي فيه من دون في دون
ينحاني الهاجوس منا ومنا

لو لا الرجاء بالله قوي ومضمون
لا أموت من حمل نقلته مثنى

ميتة قهر وإلا ترى الموت مسنون
علم ثبت ما فيه هقوة وظنا

دعيني أنحي قلمي قليلا
أقف أحتراما لكِ
ولقلمك
وأشد على يديك لهذا الابداع
الذي هز أركان المكان

اختيار رائع والاروع والاجمل ذائقتك
سلمت اناملك اختي لاهنتي وسلم بوحك
نتظر القادم شكري وامتناني وتقديري

كالعادة إبداع رائع

وطرح يستحق المتابعة

شكراً لك

بإنتظار الجديد القادم
دمت بكل خير