عشنا وشفنا يازمان التهاويل
شفنا المهايط والمشاهد حزينه
كفر النعم من الخبول المهابيل
ماهو من أصحاب العقول الذهينه
هذا يمثل بولده شر تمثيل
وهذا بدهن العود يغسل يدينه
وهذا على جال الصحن يأكل الحيل
يأكل لحاله والعرب تاركينه
وهذا يبهر بالدراهم عن الهيل
بهر بها الدله وتبت يمينه
وهذا يضّيف والذبايح مناطيل
ذبايحه وسط الزباله دفينه
هياط وإسراف وكفر يوجب الويل
ويلٍ لكم من الله ومن سنينه
ترا الكرم ما هو كذا يا رجاجيل
النعمه اللي نمتلكها ثمينه
شوفو الفقر والجوع وكل البهاذيل
في سوريا وإفريقيا شايفينه
شوفواليمن والقدس شوفوا هل النيل
شوفو اليتامى في البدو والمدينه
خافو من الله والليالي المقابيل
لا تامنون الوقت يا جاهلينه
حنا نتبرأ منكم ولا لنا حيل
إلا الدعاء لله وحنا طالبينه
يازمان التهاويل
منتــــديات آل حبه المنوعــــة
مراقب منتديات ال حبه العامة
العرض العادي
