رماني الشوق في بحر العيون اللي اغرقت روحي
غرقت ولا لقيت احدن معي ماغير دمعاتي
رسمت الحب بيديني وصارت رسمتي جروحي
وحبي كان خطوه للعذاب وزدت خطواتي
رماني الشوق في عمق المحبه وابتدى نوحي
عذاب سنين وهم سنين يزيد وتبين وناتي
حرام يكون حبي والهوى والقلب وصروحي
ضحيت حب ظالم وسط بحر غارقن ذاتي
صرخت ولا لقيت احدن يداوي القلب وجروحي
صرخت ولا سمعت الا صداي ونوحي و اهاتي
عطيته عمري وسنيني وحبي والهوى وبوحي
وعطاني الصد والهجران وعيشني ف معاناتي
ظلم قلبي وعذبني وظلمه كان بوضوحي
وانا مثل الطفل ابكي وتخنق روحي عبراتي
حسافه جار بي وقتي وجور الوقت مسموحي
الين اصبحت في دنيا غريب وألملم اشتاتي
بلا حب ن ولا قلب ن وما احدن فدنيتي يوحي
غريب فدار مو داري وطالت بي مسافاتي
انا ليلي غشاه الهم وضاع احلامي وطموحي
وضعت فعالم الاوهام حزينه تمر ساعاتي
زرعت اجمل بساتين المحبه ووردها يفوحي
وذبلت مع سنين العمر مع اشواقي ولهفاتي
وصارت قصتي معها ألم وفراق وجروحي
وصارت دنيتي معها توديني لنهاياتي