لاتخاوي الاشرار وابعد عن اهل الزور
واحذر عيونك لو تزين مماشاهم
واللي يجالسهم مأثومّ مهب ماجور
وش عاد لو جينا لمن يجري وراهم
لا ياخذ خافيّك ولا تستمع له شور
لا تامنه والصده ابرك من ارضاهم
لا ياخذ علومك ولا تكشف المستور
لا تنوّله رغباته ولا تمشي بهواهم
حسود ومنافق وقلبه ملي بالجور
يظهر لك المحبه وخافي لك بلاهم
خله يولي بحاله مادونهم محسور
هجرانهم اخير لك من بقاياهم
هو لو رحل حط بمكانه عملاق السور
خل رجعته صعبه لعلّك تناساهم
عندي نصيحه ياعسى ذنبكم مغفور
بقوله لربعي دام الوقت اعماهم
نصيحتي لا تنسى بيت الله المعمور
يحفظه ربي والعدا ماينول مبغاهم
والظلم لا تظلم ولا تجعل لك به دور
والا المظلوم ربي يقبل دعاواهم
مد ايدك للضعيف ولو لك بها مقدور
ولعل بأمر الله جنّتك برضواهم
لا تنام وشخصٌ من سواياتكم مقهور
ياكيف لو ماقمت والعذر ماجاهم