ياما وفيتك وماحسبت لوفايا

ياما وفيتك وماحسبت لوفايا
ياما سهرت لجلك وياما عطيتك

ادور رضاتك ولو ماهوب رضايا
بس المهم ارضيت ربي ورضيتك

غلطاتي وش هي قل ويش الخطايا
ذنب ارتكبته يوم والا عصيتك

احفظ كلامك واسمع لذيك الوصايا
ماذكر قهرتك ولا في يومٌ رميتك

حتى عيالك اعطيتهم كل غلايا
حبيتهم من قلبي زي ماحبيتك

يابوفهد ابغى اشوفك هنايا
طلبتك اسمعني وتكفى رجيتك

اعطيتك عيوني وقلبي لك عطايا
لا لا تخليني ماملك غير صيتك

والحال مرّه وكل وقتي شقايا
لوهو بيدي كان بالحال جيتك

بعادكم عطّل جميع مابي خلايا
ياليتك ترحم حالتي بس ياليتك

شف دمع عيني على خدي سرايا
ماقد بكيت واليوم شفني بكيتك

قلبي وروحي مع عيوني هدايا
ترخص من اجلك دام اني اغليتك

ورضاك لو هو ينشرى لك شرايا
اشريه وترضى ياعساني فديتك

شلال ابداعك مازال منهمر...
دمت ودام نبض قلمك الرائع...
وننتظر جديدك بشووق...
مجهود رائع تشكر عليه...

روعة جداً ما كتبته

واحساسك فاق كل الروائع

لم استطيع سوى كتابة تلك الكلمات البسيطة جداً
فتقبل مروري ببساطته