مـادام ياصاحبـي طفّيـت جـوالـك
فالله يسامحْـك وانـا الله يسامحـنـي
كنت احسب ان اتصالي جاي في بالـك
واثـرك مثـل ماتمازحهـم تمازحنـي
ماغير تلعب على اللي يبغي اوصالـك
واليوم اظنّك علـى اللعبـه مرشحنـي
من يعجبـك ودّك انـه ميّـت قبالـك
وانـا لا ذلحيـن والله منـت ذابحنـي
انـا عزيـز الجنـاب ولا يـورّا لـك
انّي باجي دايـمٍ والشـوق فاضحنـي
لو كان مافي حياتـي غيـرك لحالـك
لاشفت مالـي قبـول اقـول ريّحنـي
لاصار همّك خروجـك قبـل مدخالـك
خلك علـى البـاب بـرّا لا تفرّحنـي
لا انتب لا مستاجرٍ عنـدي ولا مالـك
ولا نيب خسران فيك ولا انت رابحنـي
واللي حصل بيننا محـدٍ عنـه سالـك
وما عاد افاتحْـك فيـه ولا تفاتحنـي
مـاكـل شــيٍ تمـنّـاه يتهيّـالـك
هذا كلام الصراحـه غيـر صارحنـي
هو ذي طبيعه معك والا كـذا حالـك؟
يوم انت تنسى اسمي وتوّك مصافحني!!
مراقب المنتديات الخاصة بقبيلة ال حبة والعوامر
منتدى الصوتيات والمرئيات الإسلامية
العرض العادي
